ÖLƏNƏDƏK UNUTMAYACAĞIM HADİSƏLƏRİN İŞTİRAKÇISI OLDUM
1) Azərbaycanın igid və mərd oğullarının göstərdikləri qəhrəmanlıqları lentə almaq üçün AzTv - dəki yaradıcı qrupumla 1993 - cü ilin dekabr ayında Ağdamın Güllücə kəndi uğrunda gedən döyüşlərdə iştirak etdim. Həmin vaxt yaradıcı qrupuma rejissor Tofiq Ataxanoğlu, teleoperator Ramiz Rüstəmov daxil idilər. Birlikdə mühasirəyə düşdük. Vətənpərvər, igid əsgər və zabitlərimizin qəhrəmanlığı sayəsində mühasirə yarıldı və düşmən geri oturduldu. Azərbaycan əsgərinin qəhrəmanlıqlarını lentə aldıq. Döyüşdə fərqlənənlərdən müsahibə götürdüm...
2) 1994 - cü il yanvarın əvvəlində Tərtər rayonundakı əsgərlərimiz işğal edilmiş torpaqlarımızdan erməni qəsbkarlarını qovub çıxartmaq məqsədilə Marquşavan kəndi istiqamətində hücuma keçdilər. Çəkiliş qrupumla onlara qoşulub Çardaxlı kəndi istiqamətinədək gedib çıxdıq.
Azərbaycanın igid və mərd oğullarının göstərdikləri qəhrəmanlıqları lentə aldıq. Döyüşdə fərqlənənlərdən müsahibə götürdüm. Düşmən ciddi müqavimət göstərirdi. Ancaq buna baxmayaraq Azərbaycan əsgəri Ermənistan ordusunu yerlə yeksan etdi. Hər tərəfə rus, erməni meyidləri səpələnmişdi. Düşmənin hərbi sursatı, texnikası ortalıqda qalmışdı. Minalanmış sahədən keçib hamısını videolentə köçürtdük...
3) 1994 - cü ilin aprel ayının əvvəllərində Erməni daşnaqları rus havadarlarının köməyilə Ağdam, Tərtər və Göranboy istiqamətində 2000 ( iki min) nəfərdən ibarət qoşunla hücuma keçmişdilər. Aprel ayının 10 - da Goranboyun Gülüstan kəndi uğrundakı döyüşdə yaradıcı qrupumla iştirak etdim. Həmin vaxt yaradıcı qrupuma gənc rejissor Rövşən Nİcat, uşaqlıq dostum, teleoperator Tahir Qarayev daxil idilər. Əsgərlərimiz və iş yoldaşlarımla birlikdə mühasirəyə düşdük. Gərgin və uzun vuruşmadan sonra kənd geri qaytarıldı. Biz də xilas olduq. Bir nəfər erməni kəşfiyyatçısı ələ keçirildi. Azərbaycan dilində, Qarabağ ləhcəsində tərtəmiz danışırdı. Onu gətirib Goranboy Rayon Milli Təhlükəsizlik İdarəsinə təhvil verdik.. Allaha qurban olum, həmişə məni nəzərində saxlayır...
4) Adil İrşadoğlu ( Əliyev ) kimdir ?!
Birinci Qarabağ müharibəsinin acı dəhşətlərini görmüş və onların işıqlandırılmasında yaxından iştirak etmiş, ancaq sonra inciyərək ondan asılı olmayan səbəblərdən ərizə yazıb Azərbaycan Dövlət Televiziya və Radio Verilişləri Şirkətini tərk etmiş, lakin jurnalist peşəsindən heç vaxt ayrı düşməmiş, respublikanın mətbuat orqanlarında müxtəlif məsul vəzifələrdə çalışmış, verilişləri və məqalələri ilə özünə auditoriya qazanmış, qurucusu və ilk baş redaktoru olduğu "De Fakto" qəzetini buraxmaqla xalqımızın dünyagörüşünü inkişaf etdirmiş, Azərbaycanda Vətənpərvərlik mövzusunda ilk internet televiziyanı - İRŞAD TV - ni yaratmış və ilk baş direktoru olmuş, mətbuatın ən ağrılı, keçid dövründə də qələmindən küsməmiş tanınmış jurnalistdir, Adil İrşadoğlu !
Hörmətlə,
ADİL İRŞADOĞLU (ƏLİYEV) ©
Veteran televiziya və qəzet jurnalisti,
Azərbaycan Jurnalistlər Birliyinin üzvü (1980),
1-ci Qarabağ Müharibəsinin iştirakçısı (1988-1996).
Hiç yorum yok:
Yorum Gönder